لالالا..... للفساد للمحسوبيه لاللرشوي..... لا للسرقة اكبر لا
لا كلمه قالها شباب جري فيهم حب الوطن .....سابقوا الزمن
سابوا وراهم حياة.... نسيوا الالم، نسيوا ازاي عاشوا في ندم
حلم رايح جاي مقتول و مفيش أمل..... حلم بسيط حلموه لكن نفذوه معا
كان مجرد حلم لحد ماشافوا الشهيد
اللي وقع من وسطهم و قالهم حي علي النصر المجيد
قالوا المصري اتهان كتير... لكن دلوقتي حان و قت التغيير
وزي ماحصل في تونس.. حصل في ميدان التحرير
حاربوا الفساد و انتصروا.. ودم الشهيد نضف كل اللي فات
لكن في واحد أنا هاجيب في سيرته
اعذروني هو جاي من العدل اسمه
لكن المحسوبيه شهرته..... و السرقة و القتل وظيفته
لكني هاجيب في سيرة الكبير.. اللي راح ضحية ميدان التحرير
حط ايده علي بقنا فسكتنا.. واول ماشال ايده انفجرنا
و قالوا خطاب له..... قلت نستني كلام عم البيه
انا توقعت يقول سيبوني شويه دا الكرسي غالي عليا
لكنه قال تقارير تهد معايير التحرير
هاتعمل ايه يا عم البيه.... في وسط ناس مش لاقيه الجنيه
متصور هاترجعلك جنه.... لكن ميدان التحرير قال كلمته ارحل بعيد عنا
وفعلا النصر جاء و رحل عنا الكبير
ومبقاش كبير خلاص ماهو جاء عهد الخلاص
وزي مقال الشاعر استجاب القدر
ورجعت لينا الحياة.. اللي غابت عنا ليالي
وحبينا مصر من تاني.. و ألفنا فيها اغاني
انا مكتبتش القصيده دي عشان مصر ولا عشان يناير
انا كتبتها بس عشان حسيت بدمي فاير
ويالا بينا نبني طوبه ورا طوبه... ونرجعها تاني بعد مكانت معطوبه
هي دي قصة كفاح شعب مش بييأس... رغم ان معهوش سلاح
مايكل سوريال
ليست هناك تعليقات:
إرسال تعليق